https://oz.sputniknews.uz/20211019/ozbekiston-bosh-muftiysi-saylandi-20971842.html

O‘zbekiston bosh muftiysi saylandi

O‘zbekiston bosh muftiysi saylandi

Sputnik O‘zbekiston

Toshkent shahri bosh imom-xatibi sifatida ishlab kelayotgan Nuriddin domla Xoliqnazarov O‘zbekiston musulmonlari idorasi raisi, muftiy lavozimiga saylandi. 19.10.2021, Sputnik O‘zbekiston

2021-10-19T18:24+0500

2021-10-19T18:24+0500

2021-10-19T18:50+0500

jamiyat

o‘zbekiston musulmonlari idorasi

https://cdn1.img.sputniknews.uz/img/07e5/0a/13/20972060_0:67:1280:787_1920x0_80_0_0_d167c3f947db4b114b2d124080ec09f4.jpg

TOShKENT, 19 okt – Sputnik. Nuriddin Xoliqnazarov O‘zbekiston musulmonlari idorasi raisi, muftiy lavozimiga saylandi. Bu haqda idora matbuot xizmati xabar bermoqda.Ma’lum qilinishicha, 19-oktabr kuni O‘zbekiston musulmonlari idorasi Ulamolar Kengashining kengaytirilgan yig‘ilishi bo‘lib o‘tgan. Unda tashkiliy masala ko‘rilgan.Nuriddin domla Xoliqnazarov 1968-yilda Andijon viloyati Asaka shahrida tug‘ilgan. 1992-yilda Buxoro viloyatidagi Mir Arab madrasasi, 1998-yilda Imom Buxoriy nomli Toshkent islom institutini, 2007-yilda esa Farg‘ona davlat universitetini tamomlagan.Ish faoliyatlari davomida Asaka shahridagi “Ahmadali Maxdum” masjidi imom-xatibi, Toshkent shahri “Oq tepa” jome masjidi imom-xatibi, poytaxtdagi “Ko‘kaldosh”, Andijon viloyatidagi “Sayyid Muhyiddin maxdum” madrasalari o‘qituvchisi, Andijon viloyati bosh imom-xatibi sifatida davom ettirgan.2019 yildan shu kunga qadar Toshkent shahar bosh imom-xatibi vazifalarida mehnat qilayotgan edi.Eslatib o‘tamiz, O‘zbekiston musulmonlari idorasi raisi, muftiy Usmonxon Alimov avgust oyida og‘ir xastalikdan so‘ng vafot etgan edi.

https://oz.sputniknews.uz/20210908/bosh-muftiy-lavozimiga-nomzodlar-korib-chiqilmoqda--omi-20407644.html

2021

Yangiliklar

uz_UZ

jamiyat, o‘zbekiston musulmonlari idorasi