TOShKENT, 1 avg - Sputnik. O‘zbekistonning shimoli-g‘arbiy hududlariga Volgabo‘yidan nam va salqin havo oqimi kirdi. Shu bois, avgust oyi boshida nam va salqin havo butun respublika hududiga tarqaladi, deb xabar qiladi O‘zgidromet bosh sinoptigi Irina Zayseva.
1 avgustda qisqa muddatli momaqaldiroqli yomg‘irlar faqat Toshkent viloyati va Farg‘ona vodiysi viloyatlarida kuzatilishi mumkin, mamlakatning qolgan hududida yog‘ingarchilik bo‘lmaydi, harorat 30-33 daraja atrofida bo‘ladi.
2 avgustda respublikaning katta qismida ob-havoning yana kam bulutli va quruq bo‘lishi kutilmoqda, faqat ba’zi tog‘li va tog‘oldi hududlarda qisqa muddatli yomg‘ir yog‘ib, momaqaldiroq bo‘lishi mumkin.
Keyingi haftada ob-havo yog‘ingarchiliksiz bo‘ladi. Harorat asta ko‘tariladi va ana 36-39 darajani tashkil qiladi.
Keyinchalik avgust harorati o‘rtacha ko‘p yillik qiymatlarga yaqin bo‘lishi kutilmoqda. Qisqa muddatli yomg‘irlar asosan respublikaning tog‘li va tog‘oldi hududlarida kuzatiladi. Harorat kechasi 17-22 daraja, kunduzi 32-37 daraja atrofida, ayrim kunlarda 40 darajagacha bo‘lishi kutilmoqda.
Oyning so‘nggi o‘n kunligida kunduzgi harorat 28-33 darajagacha pasayishi mumkin.
Eslatib o‘tamiz, avgust oyi O‘zbekistonda yilning eng quruq oyi hisoblanadi.
Avgust oyida yog‘ingarchilikli kunlar o‘rtacha 1-2 kunni, Farhona vodiysi va tog‘larda −3-6 kunni tashkil qiladi. O‘rtacha yog‘inlar miqlori mamlakatimiz hududining katta qismida 1-2 mm, ayrim joylarda 3-4 mm, tog‘oldi va tog‘larda 10-20 mm ni tashkil qiladi.
