TOShKENT, 6 apr - Sputnik. Turkiyada koronavirusga qarshi vaksina hayvonlarda muvaffaqiyatli sinovdan o‘tkazildi. Keyingi bosqichda olimlar uni odamlarda sinab ko‘rishni rejalashtirishmoqda. Bu haqda Turkiyaning Xajettepe universiteti tibbiy fakulteti professori Atesh Kara ma’lum qildi.
“Yaxshi yangilik. Leykoplastirda yopishtirilgan mikroignalardan foydalangan holda hayvonlarga kiritilgan koronavirus vaksinasi antitela ishlab chiqarish shaklida immun javob berdi. Bu odamlarni himoya qila oladimi yoki yo‘q, tekshirish vaqti keldi”, - deya yozgan professor tvitterda.
Eslatib o‘tamiz, avvalroq vaksinaning Rossiyada ishlab chiqilgan namunasi sinovi o‘tkazilayotgani va keyin odamlarda ham o‘tkazilishi xabar qilingan edi.
