TOShKENT, 6 apr — Sputnik. O‘zbekistonda karantin davrida elkektr energiyasi hisoblagichlari davriy qiyoslovdan o‘tkazilmaydi. Bu haqda “Hududiy elektr tarmoqlari” AJ matbuot xizmati xabar qildi.
“Joriy yilning 6-aprel kunidan e’tiboran elektr energiyasi hisoblagichlarini davriy qiyoslovdan o‘tkazish sanitariya-epidemiologik holat yaxshilangunga qadar to‘xtatiladi”, - deyilgan xabarda.
Ta’kidlanishicha, qaror mamlakat hududida koronavirus infeksiyasi tarqalishini oldini olish yuzasidan chora-tadbirlar dasturini amalga oshirish va aholining sanitariya-epidemiologik osoyishtaligini ta’minlash maqsadida qabul qilingan.
Eslatib o‘tamiz, avvalroq O‘zbekistonda karantin vaqtida qarzdor iste’molchilar elektr tokidan uzib qo‘yilmasligi xabar qilingan edi.