TOShKENT, 31 mar - Sputnik. Rasmiy manbalarga ko‘ra, joriy yilning 31-mart kuni O‘zbekistonda koronavirusga chalingan yana bir bemor aniqlangan.
Bemor Toshkent shahridan bo‘lib, hozirda ushbu infeksiyaga chalinganlar soni 150 nafarni tashkil etmoqda.
Kecha, 30-mart kuni O‘zbekistonda koronavirus infeksiyasi bilan kasallanganlar soni 4 taga oshib, 149 nafarni tashkil etgani, ushbu infeksiya 2 nafar andijonlik (ayollar), 1 nafar farg‘onalik (erkak) va 1 nafar toshkentlik (erkak) fuqarolarda aniqlangani aytilgan edi.
Butunjahon sog‘liqni saqlash tashkiloti 11-mart kuni yangi turdagi koronavirus infeksiyasi COVID-19 tarqalishini pandemiya, deb e’lon qildi. BSST taqdim etgan so‘nggi ma’lumotlarga ko‘ra, dunyoda virusni yuqtirganlik bo‘yicha 690 ming holat aniqlangan, 33 mingdan ziyod inson vafot etgan.
