TOShKENT, 10 mar – Sputnik. Davlat dumasi “Yedinaya Rossiya” deputati Aleksandr Karelin Asosiy qonunga o‘zgartishlar fonida muddatdan oldin parlament saylovlarini o‘tkazish to‘g‘risida qonun loyihasi kiritadi. RIA Novosti xabariga asosan.
“22 aprel kuni Rossiyada ovoz berish orqali Konstitutsiyaga kiritiladigan tuzatishlar bizga katta vakolat beradi. Shubhasiz, prezident partiya rolini oshirish, parlamentda Federatsiya Kengashida aholimizning ko‘p qismini deputatlar orqali rolini kuchaytirishni taklif qilmoqda. Shuning uchun, men yangi saylovlarni o‘tkazish adolatli bo‘ladi deb hisoblayman”, - dedi deputat.
O‘z navbatida, parlament quyi palatasi raisi Vacheslav Volodin Karelin ushbu taklifni konstitutsiya loyihasini ikkinchi o‘qishda tuzatish sifatida ishlab chiqishi mumkinligini ta’kidladi. Taklif bugunoq ko‘rib chiqiladi.
Bundan avval LDPR rahbari Vladimir Jirinovskiy Asosiy qonunga tuzatishlar qabul qilingandan keyin muddatidan oldin parlament saylovlarini o‘tkazish haqida taklif bilan chiqqandi.
