TOShKENT, 11 okt – Sputnik. MDH davlat rahbarlari sammitida O‘zbekiston, Tojikiston va Qirg‘iziston prezidentlari Markaziy Osiyoda ekstremistik g‘oyalar tarqalishi masalasini ko‘tarishdi, deb xabar qildi BELTA nashri.
Birinchi bo‘lib so‘zga chiqqan Tojikiston prezidenti Emomali Rahmon o‘z nutqida Markaziy Osiyo davlatlaridagi ichki xavflarga alohida e’tibor qaratdi.
“Bu ekstremistik mafkuraning tarqalishi, shuningdek, Yaqin Sharqdagi harbiy operatsiyalar zonalaridan MDH davlat fuqarolari qaytishi hisobiga tahdid mavjud”, - dedi Tojikiston yetakchisi.
Tojikiston prezidenti Afg‘onistondagi vaziyatga alohida e’tibor qaratdi.
O‘zbekiston prezidenti Shavkat Mirziyoyev terrorizm tahdidi chegaralarni yuvib tashlamoqda deb aytdi. Terrorizm, ekstremizm, uyushgan jinoyatchilik va narkotrafikka samarali qarshi turish uchun davlatlar o‘rtasida yaqin hamkorlik zarur.
“Bugun Afg‘onistonda ro‘y berayotgan barcha voqealar bizni juda tashvishlantiradi. “Demokratik” saylovlar qanday yakun topishi va bu bizga qanday natijalarni olib kelishi tashvishlantiradi”, - dedi Mirziyoyev.
Qirg‘iziston prezidenti Sooranbay Jeenbekov hamkasblarini qo‘llab-quvvatladi.
“Bunday vaziyatda MDH davlatlari xavfsizlik sohasidagi hamkorlikni kuchaytirish zarur. Ayniqsa, chegara xavfsizligi va uni himoya qilish sohasidagi hamkorlik muhim ahamiyatga ega”, - deb ta’kidladi Qirg‘iziston yetakchisi.
Qirg‘iziston prezidenti MDH mamlakatlari maxsus xizmatlari hamkorligini kengaytirish va takomillashtirishni taklif qildi.
Rossiya prezidenti Vladimir Putin bu tahdidga yangi xavfni qo‘shish mumkinligini ta’kidladi. U Suriyaning shimoliy-sharqidan Turkiya harbiy operatsiyasi natijasida kurdlar tomonidan ushlab turilgan jangarilar qochishi mumkinligini aytdi.
