TOShKENT, 23 sen – Sputnik. Toshkentdagi masjidda o‘g‘rilik sodir etgan fuqaro qo‘lga olindi.
IIBB xabariga ko‘ra, 16-sentabr kuni “Cho‘lpon ota” masjidida 21 yoshli H.K. 18 yoshli J. R. namozga kirganligidan foydalanib, unga tegishli bo‘lgan va ichida shaxsiy buyumlar hamda 894.000 so‘m pul bo‘lgan portfelni o‘g‘irlab, voqea joyidan yashiringan.
Ma’lum qilinishicha, u tez orada qo‘lga olingan.
Jinoyatchiga nisbatan O‘zbekiston Jinoyat kodeksining 169-moddasi (“O‘g‘rilik”) bo‘yicha jinoiy ish qo‘zg‘atilgan va tergov harakatlar olib borilmoqda.
