TOShKENT, 17-may - Sputnik. Samarqand shahrida ro‘y bergan yo‘l-transport hodisasi haqida rasman xabar berildi. Bu haqda Zarnews.uz xabar qildi.
16 may kuni soat 09:30 larda haydovchi Payariq tumani Bobur mahallasida yashovchi fuqaro boshqaruvida bo‘lgan “Midibus” rusumli avtobus Ma’rifat ko‘chasi tomondan Imom Al-Buxoriy ko‘chasi tomonga boshqarib borayotgan vaqtida Bo‘stonsaroy ko‘chasida yashovchi fuqaro boshqaruvidagi “Spark” rusumli avtomashina bilan to‘qnashib, yo‘l-transport hodisasi sodir qilgan.
“Yo‘l-transport hodisasi oqibatida “Spark” haydovchisi J.Xolbekov chap umrov suyagi sinishi bilan shifoxonaga yotqizilgan”, - deyiladi xabarda.
Avtobus yo‘lovchilari – Z.E. o‘ng qo‘l bilak suyagining yopiq sinishi, M.Q. esa chap umrov suyagining sinishi kabi jarohatlar bilan shifoxonaga yotqizilgan.
Hozirda mazkur hodisa yuzasidan surishtiruv ishlari olib borilmoqda.
