TOShKENT,11 apr — Sputnik. Project HOPE xalqaro nodavlat tashkiloti O‘zbekistonga umumiy summasi 2,9 million dollarlik saraton kasalligiga qarshi dori vositalarini yetkazib berdi.
"Umumiy bahosi 2,9 million dollarlik medikamentlar bugungi kunda AQShdan O‘zbekistonga yetkazib kelingan", — deb xabar qilgan vakolatxona xodimi RIA Novosti muxbiriga.
Katta yoshdagi bemorlarning miyasidagi xavfli o‘simtani davolashda qo‘llaniladigan "Temodar" onkologik preparatlaridan iborat insonparvarlik yuki O‘zbekiston hududlari bo‘ylab taqsimlanadi.
Tashkilot xabariga ko‘ra, 1991-yildan buyon Project HOPE O‘zbekistonga umumiy miqdorda 106 million dollarlik medikamentlar va tibbiyotda ishlatiladigan boshqa turdagi buyumlarni yetkazib bergan.
