TOShKENT, 5 apr — Sputnik. Stavropol viloyatida sodir bo‘lgan YTHda to‘rt nafar O‘zbekiston fuqarolari qurbon bo‘ldi, deb xabar qilmoqda O‘zbekiston FVV axborot xizmati.
Vazirlik xabariga ko‘ra, 2018 yilning 4-aprel kuni soat 18:39 da Rossiya Federatsiyasi, Izobil shahar okrugining “Stavropol-Novoaleksandrovsk” avtomobil yo‘lida “VAZ-2101” rusumli yengil avtomobil “Isuzu» rusumli yuk avtomobili bilan to‘qnashib ketgan.
YTH oqibatida 4 nafar O‘zbekiston Respublikasi fuqarolari vafot yetgan. VFF ularning ro‘yxatini keltirmoqda:
1.Jumaqulov Shuhrat, 1983 y.t.
2.Tagayev Mirjalol, 1991 y.t.
3.Qarshiyev Muhritdin, 1995 y.t.
4.Yunusov Bahrom, 1988 y.t.
Dastlabki ma’lumotlarga ko‘ra, vafot yetgan fuqarolar Jizzax viloyati Zomin tumanidan. Ayni damda ularning jasadlari Izobil shahar okrugining markaziy kasalxonasiga olib borilgan.
Ushbu ma’lumotlar Rossiya Federatsiyasi Favqulodda vaziyatlar milliy markazi tomonidan tasdiqlangan.
Quo‘shimcha ma’lumot uchun O‘zbekiston FVV tomonidan ochilgan “koll-sentr”ga quyidagi raqamlar orqali murojaat qilish mumkin: + 998 71 147-1050.
