TOShKENT, 3 apr — Sputnik. Toshkent shahri Chilonzor tumanidagi ko‘p qavatli uylarning oldidan yaqinda tug‘ilgan chaqaloq topildi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
22 Fevral 2018, 18:43
Xabarda aytilishicha, chaqaloq 1-aprel kuni kechasi topib olingan.
"1 aprel kuni soat 22.00larda, 17-daxa 1-uy oldida matoga o‘ralgan 7-10 kunlik sog‘lom qiz bola chaqaloq topilgan", — deb ta’kidlangan IIV xabarida.
Hozirda qizaloq Toshkent shahrining Uchtepa tumanida joylashgan ona-bola shifoxonasiga joylashtirilgan. Uning onasini aniqlash choralari ko‘rilgan.
IIV surishtiruv ishlari olib borilayotganini ma’lum qilmoqda.