TOShKENT, 6 mar — Sputnik. O‘zbekiston Prezidenti Rossiya moliya vazirini qabul qildi, deb xabar qildi O‘zbekiston prezidentining matbuot-xizmati.
Moliya, soliq va bojxona organlarini modernizatsiya qilish, mahalliy budjetlar daromadlarini oshirish va mutanosibligiga erishish, moliyaviy nazorat mexanizmlarini takomillashtirish, qimmatli qog‘ozlar bozorini rivojlantirish va boshqa yo‘nalishlar bo‘yicha ilg‘or tajriba, texnologiyalar va bilimlarni jalb etish masalalariga alohida e’tibor qaratildi.
Yirik savdo va investitsiya loyihalarini moliyalashtirish borasidagi hamkorlikni kengaytirish muhimligi qayd etildi.
Moliya vaziri Mirziyoyevga samimiy qabul uchun minnatdorlik bildirib, Rossiya Federatsiyasi prezidenti Vladimir Putin va hukumati raisi Dmitriy Medvedevning salomi va ezgu tilaklarini yetkazdi.
Anton Siluanov Rossiya moliyaviy sohadagi keng ko‘lamli va o‘zaro manfaatli amaliy hamkorlikni rivojlantirish va chuqurlashtirishdan manfaatdorligi, bu boradagi sheriklikni davom ettirishga tayyorligini bildirdi.
