TOShKENT, 23 noya – Sputnik. Janubiy Koreya 2018-yildan boshlab uch yil davomida O‘zbekiston iqtisodiyotiga 500 million dollar miqdorida sarmoya yo‘naltiradi. Bu haqda "Yonhab" agentligiga asoslanib "Xalq so‘zi" nashri xabar bermoqda.
Xabarda aytilishicha, Koreya prezidenti Mun Chje In Markaziy Osiyodagi yirik infratuzilma yoki qurilish loyihalarini moliyalashtirish uchun Koreya Eksport-Import Banki 2 milliard dollar ajratishini ma’lum qilgan.
Tomonlar imzolagan hujjatlar orasida mamlakatlar rahbarlarining qo‘shma deklaratsiyasi ham bor.
Deklaratsiya iqtisodiy va savdo aloqalarni rivojlantirish, turli tarmoqlar, masalan, madaniyat sohasidagi almashinuvlarni kengaytirishga qaratilgan sa’y-harakatlarni ham o‘z ichiga olgan.
Mirziyoyev Mun Chje Inni 2018-yilda O‘zbekistonga davlat tashrifini amalga oshirish uchun taklif qilgan.
