TOShKENT, 24 okt — Sputnik. Vashington roxinya xalqini sig‘dirmagan Myanma hukumatiga nisbatan sanksiyalarni kiritishi mumkin.
Amerika kongressmenlari shunday taklif bilan AQSh Davlat kotibi Reks Tillersonga murojaat qilishgan.
AQSh Kongressi a’zolari o‘z maktubida, shuningdek, 2016-yilning oktabrida bekor qilingan sanksiyalarni qaytarishni, hamda respublikada vaziyat keskin tus olishiga sabab bo‘lganlarga qarshi alohida cheklov choralarini ishlab chiqishga chaqirishgan.
Eslatib o‘tamiz, Migratsiya bo‘yicha xalqaro tashkilot ma’lumotlariga ko‘ra, Shimoliy Rakxayn shtatida 27-avgustda alanga olgan zo‘ravonliklardan so‘ng, ikki oy ichida Myanmani 589 ming nafar roxinya musulmonlari tark etishgan. Ularning barchasi Bangladeshga yo‘l olib, 200 ming nafardan ortiq qochqin roxinyalar yashab kelayotgan ikkita lagerdan joy olishgan. Ayni vaqtda Bangladeshda qochqin roxinyalar soni 800 mingdan ortiqni tashkil qiladi.