TOShKENT, 17 okt — Sputnik. Samarqand va Farg‘ona viloyatlarida 17-oktabr kuni Germaniya xalqaro hamkorlik jamiyati vakillari ishtirokida qo‘shma o‘quv mashg‘ulotlar o‘tkaziladi, deb xabar qildi Savdo sanoat palatasi matbuot xizmati.
Mashg‘ulotlarda "Boshqaruvchi kadrlarni tayyorlash dasturi" doirasida 2006-2016 yillarda Germaniyada amaliyot o‘tgan boshqaruvchilar uchun o‘tkaziladi.
Shuningdek, Farg‘ona viloyati "Tadbirkorlik markazi"da qo‘shni viloyatlar tadbirkorlarini jalb qilgan holda o‘quv mashg‘ulotlar o‘tkaziladi.
Mazkur tadbir Germaniya xalqaro hamkorlik jamiyati va Savdo sanoat palatasi tomonidan o‘tkaziladi.
Seminarning asosiy maqsadi — xalqaro dastur imkoniyatlari haqida yanada batafsil ma’lumotlarni taqdim etish hamda respublikada Germaniyada amaliyot o‘tgan boshqaruvchi kadrlarni ko‘paytirishdir.
