TOShKENT, 27 sen — Sputnik. Shu yilning 3-noyabr kuni Toshkentda Mustaqil Davlatlar Hamdo‘stligi mamlakatlari hukumat rahbarlari kengashining yig‘ilishi o‘tkaziladi. Bu haqda MTD Ijroiya qo‘mitasi matbuot xizmati xabar berdi.
Joriy yilning avgust oyida O‘zbekiston tashqi ishlar vaziri Abdulaziz Kamilov Mustaqil Davlatlar Hamdo‘stligi Ijroiya qo‘mitasi raisi — ijrochi kotibi Sergey Lebedev bilan uchrashgandi.
Uchrashuvda MDH kun tartibining dolzarb masalalari, Hamdo‘stlikka a’zo mamlakatlarning Davlat rahbarlari kengashi (Sochi shahri), Hukumat rahbarlari kengashi (Toshkent shahri) va Tashqi ishlar vazirlari kengashi yig‘ilishlariga tayyorgarlikning borishi muhokama qilingandi.
MDH hukumat rahbarlarining oxirgi uchrashuvi 2017-yilning may oyida Qozon shahrida bo‘lib o‘tgandi.