Shavkat Mirziyoyevning BMT Bosh assambleyasining 72 sessiyasidagi nutqi

Obuna bo‘lish
O‘zbekiston prezidenti Shavkat Mirziyoyev BMT minbaridan turib, O‘rta Osiyoni tinch va gullab-yashnayotgan hududga aylantirish, Orol muammosini hal qilishda umumjahon ishtiroki, Afg‘onistonda tinchlik o‘rnatish va butun dunyo yoshlarini terrorchilik xavfidan asrab qolish kerakligi haqida gapirdi.

Xususan, Shavkat Mirziyoyev bugungi kunda O‘zbekistonda muhim iqtisodiy va ijtimoiy islohotlar olib borilayotgani, O‘zbekiston O‘rta Osiyo mamlakatlari bilan do‘stona qo‘shnichilik munosabatlari rivojlantirishga harakat qilinayotgani haqida so‘zlab berdi.

Shuningdek, O‘zbekiston prezidenti hudud xavfsizligiga tahdid solayotgan muammalar Afg‘onistonda tinchlik o‘rnatish masalasiga alohida to‘xtalib o‘tdi. Bu borada Shavkat Mirziyoyev AQSh prezidenti ma’muriyatining Afg‘oniston bilan qo‘shni mamlakatlar bilan kelishgan holda tinchlik o‘rnatish tashabbusini qo‘llab quvvatladi.

AQSh prezidenti Donald Tramp - Sputnik O‘zbekiston
Tramp BMT minbaridan nimalarni so‘zladi?

Undan tashqari Shavkat Mirziyoyev O‘rta Osiyoning ekologik muammosi bo‘lgan — qurib qolayotgan Orol dengizi borasidaham to‘xtalib o‘tdi. O‘zbekiston prezidenti o‘zi bilan olib kelgan xaritani namoyish qildi.

So‘zining davomida Shavkat Mirziyoyev butun dunyo yoshlari orasida terrorchilik tarqalib borayotganiga e’tibor qaratdi. O‘zbekiston prezidenti ushbu muammoni yoshlarga o‘z imkoniyatlarini namoyish qilish uchun yangi sharoitlar yaratib berish orqali ushbu muammoni hal qilishni taklif qildi.

Nutqining so‘nggida O‘zbekiston prezidenti butun dunyoda ta’lim va o‘rganish orqali diniy toqatlilikni oshirishga da’vat qildi. Prezident bu borada O‘zbekistonda islom sivilizatsiyasi markazi tashkil qilinayotganini eslatib o‘tdi.

Yangiliklar lentasi
0