TOShKENT, 14 sen — Sputnik. O‘zbekistonlik xonanda, "Golos" tanlovi finalchisi Sardor Milano Sochida bo‘lib o‘tgan "Novaya volna 2017" yosh ijrochilar tanlovi g‘olibiga aylandi. Bu haqda uznews.uz xabar bermoqda.
U tanlovda 362 ball to‘pladi. Sardor bilan birga birinchi o‘ringa shuningdek, armanistonlik Erna Mir va Moldovaning "Doredos" triosi sazovor bo‘ldi. Ular ham 362 balldan to‘plashdi.
"Novaya volna 2017" tanlovi 8-14 sentabr kunlari Sochida bo‘lib o‘tdi. Unda 11 mamlakatdan 11 nafar ishtirokchi g‘oliblik uchun kurash olib bordi.
