O‘zbekiston IIV vaziri o‘zgardi: Abdusalom Azizov o‘rnini sobiq prokuror egalladi

TOShKENT, 4 sen — Sputnik. Abdusalom Azizov – O‘zbekiston Ichki ishlar vaziri lavozimidan ozod etildi.

O‘zbekiston Ichki ishlar vaziri etib Po‘lat Razzakovich Bobojonov tayinlandi, deb xabar qilindi O‘zbekiston prezidenti rasmiy saytida.

"O‘zbekiston Respublikasi Prezidentining 2017-yil 4-sentabrdagi PF-5183-son farmoniga muvofiq Po‘lat Razzaqovich Bobojonov O‘zbekiston Respublikasi Ichki ishlar vaziri lavozimiga tasdiqlandi", — deyiladi xabarda.

Mahalliy OAVlarda berilayotgan ma’lumotlarga ko‘ra, Po‘lat Bobojonov 1961-yilda tavallud topgan, 2012-yildan buyon Xorazm viloyati hokimi lavozimida ishlab kelgan, 2011-yilgacha ma’lum muddat hokim o‘rinbosari vazifasini bajargan. Bunga qadar esa Buxoro viloyati prokurori lavozimida faoliyat yuritgan.

2006-2011 yillarda Jizzax viloyati prokurori vazifasini bajargan.

2005-2006 yillarda Bosh prokuratura qoshidagi moliyaviy va valyutaga oid jinoyatlar Departamentida rahbarlik qilgan. 2000-2005 yillarda — O‘zbekiston Bosh prokurori o‘rinbosari vazifasida ishlagan.