TOShKENT, 30 avg — Sputnik. O‘zbekiston Rossiya uchun eksport bo‘yicha eng istiqbolli mamlakat deb topildi, deb xabar qilgan Rossiya eksport markaziga tayangan holda "O‘zbekiston 24".
Rossiya eksport markazining ta’kidlashicha, O‘zbekiston Rossiya bilan savdo ittifoqlarida ishtirok etishi, erkin savdo rejimi, Rossiya eksporti tovar tuzilmasining mamlakat importi tuzilmasiga mosligi, shuningdek, YaIMning o‘sish sur’atlari tufayli yetakchiga aylangan.
Mazkur reytingda ikkinchi o‘rinni Polsha egalladi. Germaniya, Turkiya va Hindiston top-5ga kirdi. Ro‘yxatga 135 mamlakat kiritilgan bo‘lib, uni Kongo, Papua — Yangi Gvineya, Paragvay, Venesuela va Zimbabve davlatlari yakunlagan.
