TOShKENT, 16 avg — Sputnik. Kuzatish marosimida viloyat hokimi vazifasini bajaruvchi T.Jo‘rayev ishtirok etdi, deb xabar qilingan Samarqand viloyati matbuot-xizmati tomonidan tarqatilgan xabarda.
"Haj ziyoratiga borib kelgan yurtdoshlardan ulug‘ ibodatlarni eson-omon va qulay ado etish uchun davlatimiz tomonidan barcha zarur sharoitlar yaratib berilayotgani haqidagi so‘zlarni ko‘p eshitardim, — deydi Zarbuvi Pardayeva. — Bugun muqaddas safarga otlanar ekanman, shu yerning o‘zidayoq xavfsizligimizni ta’minlash, salomatligimizni muhofaza qilish yuzasidan qilinayotgan sa’y-harakatlarni ko‘rib, bu gaplarning naqadar to‘g‘riligini his etdim. Buning uchun davlatimiz rahbaridan, shunday buyuk safarlarni tashkil etishda bosh bo‘layotganlardan behad minnatdormiz".
Joriy yilda Samarqand viloyatidan haj ziyoratiga 458 nafar otaxon va onaxonlar borishi rejalashtirilgan bo‘lib, dastlabki guruhda 225 nafar samarqandlik yurtdoshimiz Madina shahriga kuzatildi.
