TOShKENT, 16 avg — Sputnik. O‘zbekiston Respublikasi Bosh prokuraturasi hamda tegishli vazirlik va idoralar bilan hamkorlikda yaratilgan "Keyingi bekat" nomli o‘quv-tarbiyaviy filmining taqdimotiga bag‘ishlangan matbuot anjumani o‘tkazildi, deb xabar qilindi prokuratura rasmiy saytida.
Xabarda aytilishicha, "Keyingi bekat" — voyaga yetmaganlar o‘rtasida nazoratsizlikning oldini olish, huquqbuzarliklarni profilaktika qilish hamda jinoyatchilikka qarshi kurashish maqsadida yaratilgan.
Matbuot anjumanida filmni ta’lim muassasalari, madaniyat va san’at muassasalari, mahallalar, korxona va tashkilotlar, shuningdek, ommaviy axborot vositalari orqali namoyish etish haqida takliflar bildirilgan.