TOShKENT, 9-avgust — Sputnik. 6-avgust kuni kech soat sakkiz yarimda Farg‘ona viloyati Quva tumanidagi Mingchinor qishlog‘ida Damas avtomashinasida to‘rt kishi tiriklayin yonib ketdi. Bu haqda "1news.uz" xabar bermoqda.
Hodisa guvohlarining so‘zlariga ko‘ra, Damas avtomashinasi Captiva bilan to‘qnashib ketgan.
"To‘qnashuvdan keyin ichida haydovchi va uch yo‘lovchi bo‘lgan Damasda yong‘in paydo bo‘ldi. Yong‘in oqibatida uning salonidagi kishilar tiriklayin yonib ketdi", — dedi YTH guvohlaridan biri.
Mazkur holat bo‘yicha jinoiy ish qo‘zg‘atilgan, tergov harakatlari olib borilmoqda.
