TOShKENT, 21-iyul — Sputnik. Andijon viloyati Buloqboshi tumanida 2019-yilning sentabrida yiliga 1,2 million tonna portlansement ishlab chiqaradigan yangi sement zavodi paydo bo‘ladi, deb xabar qilmoqda Sputnik muxbiri.
Kuni kecha, 20-iyul kuni O‘zbekiston prezidenti ushbu investitsiyaviy loyihaning texnik-iqtisodiy parametrlarini tasdiqladi.
Yangi ishlab-chiqarish obyektining umumiy qiymati 203,9 million dollarga baholanmoqda. Zavod qurilishi Shangfeng-Bridge of Friendship o‘zbek-xitoy qo‘shma korxonasi tomonidan amalga oshiriladi.
Eslatib o‘tamiz, bugungi kunda O‘zbekistonda beshta yirik sement zavodi faoliyat yuritmoqda. Bular: "Qizilqumsement", "Ohangaronsement", "Quvasoysement", "Bekobodsement", Jizzax sement zavodi va shuningdek qator maydo korxonalar ham mavjud. Ularning umumiy quvvati yiliga 9 million tonnadan oshadi.