TOShKENT, 13-iyun — Sputnik. O‘zbekistonlik ayol o‘zining 2 kunlik farzandini 7,5 mln so‘mga sotmoqchi bo‘ldi, deb xabar berdi NUZ.uz. nashri.
Xabarda aytilishicha, Surxondaryo viloyati Jarqo‘rg‘on tumanida istiqomat qiluvchi 25 yoshli ayol yangi tug‘ilgan 2 kunlik farzandini qo‘shnisiga sotmoqchi bo‘ldi.
Ayol 2 kunlik chaqaloq uchun 7,5 mln so‘m so‘ragan.
Bu qing‘ir ish haqida tuman ichki ishlar bo‘limiga ushbu bolani sotib olish taklifini olgan qo‘shni ayol xabar bergan.
Ayol bolani sotmoqchi bo‘lgan paytda daliliy ashyolar bilan qo‘lga olingan. Hozirgi kunda ayolga nisbatan O‘zbekiston Jinoyat kodeksining 135- moddasi 3-qism bo‘yicha jinoyat ishi qo‘zg‘atilgan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
