TOShKENT, 13-iyun — Sputnik. Vazir Abdulaziz Kamilov BMT Bosh kotibining O‘zbekistonga tashrifi yakunlari bo‘yicha intervyu berdi, deb xabar qildi O‘zbekiston TIV matbuot-xizmati.
Kamilov intervyu davomida Guterresh va Shavkat Mirziyoyev o‘rtasida o‘tkazilgan muzokaralar paytida dolzarb masalalar ko‘tarilganini ta’kidladi. "Birinchidan mintaqadagi vaziyat, Afg‘onistondagi xavfsizlik muammolari, ikkinchidan mintaqaviy hamkorlik, uchinchidan suv masalalari va to‘rtinchidan ekologiya, Orol masalalari ko‘tarildi", — deya qniqlik kiritdi u.
"Suv masalasi bo‘yicha juda katta e’tibor berildi, ikki tomondan biz kelishdik. Avvalombor BMT bosh kotibi bizga to‘liq ma’lumot berdilar. Yaqin orada BMT ikkita juda bir jiddiy hujjatlarni, konvensiya deymiz, tayyorlaydi: Amudaryo va Sirdaryo bo‘yicha. Hozir janob Guterresh Qozog‘istonda bo‘ldilar, (u yoqda) mana shu masalalarni ko‘tarib Samarqandda bo‘ldilar, bizdan keyin Qirg‘izistonga ketdilar, Qirg‘izistondan keyin Tojikistonga boradilar, Tojikistondan so‘ng Turkmanistonga. Har bitta mana shu davlatlarda shu masalani ko‘taradilar", — deb xabar qilgan Kamilov.