O‘zbekistonda militsiya xodimlari uchun qonun yo‘qmi?

© AP Photo / Umida AkhmedovaMilitsiya avtomobili
Militsiya avtomobili - Sputnik O‘zbekiston
Obuna bo‘lish
Ijtimoiy tarmoqlarda foydalanuvchilarning biri tomonidan yuklangan video rolik qizg‘in muhokamaga sabab bo‘lmoqda. Unda militsiya mashinasi ko‘r-ko‘rona yo‘l harakati qoidalarini buzayotgani tasvirlangan

TOShKENT, 27 yanv — Sputnik. O‘zbekistondagi ijtimoiy tarmoqlarda bir foydalanuvchi tomonidan yuklangan video qizg‘in muhokamaga sabab bo‘ldi, deb xabar qildi Sputnik O‘zbekiston muxbiri.

Rolikda militsiya xizmat mashinasi yo‘l harakati qoidalarini ochiq va qo‘pol tarzda buzayotgani tasvirlangan. Mashina qizil chiroq yonganiga qaramay, "gazni" bosgan. Ushbu voqea "Pushkin" metro stansiyasi yaqinida sodir bo‘lgan.

O‘zbek militsioneri - Sputnik O‘zbekiston
Mirziyoyev qonunni buzgan militsiya xodimlarini qattiq jazolashga va’da berdi
Huquqni muhofaza qilish xodimlari tomonidan sodir etilgan ushbu qo‘pol qoidabuzarlik "Voditeli Tashkenta" ishtirokchilarining keskin noroziligini uyg‘otdi, deb xabar qiladi muxbir.

"Televizorda DAN xodimlari haydovchilarga qoidabuzarlik uchun tanbeh berayotgani ko‘rsatiladi faqat. Qachon ularning o‘zlarini ham ko‘rsatishar ekan?", — deb yozgan internet foydalanuvchilardan biri.

"Biz kichkina odamlar bo‘lsak, ularga esa hamma narsa mumkin!", — deb ta’kidlagan yana bir foydalanuvchi.

"Ular hamisha xizmatda, bu borada surishishdan foyda yo‘q", — deb yozgan yana bir foydalanuvchi.

Xabar qilinishicha, internet foydalanuvchilari maslahatni bir joyga qo‘yib, qoidabuzar ustidan IIV virtual qabulxonasiga xat yozishgan.

"Murojaat raqami 858/17. Natijani ko‘ramiz", — deb yozgan yana bir foydalanuvchi.

Yangiliklar lentasi
0