Alkogol sotishga ruxsatnoma olish uchun elektron ariza berish mumkin

TOShKENT, 20 okt — Sputnik. Toshkent shahar tuman Hokimiyatlarining yangi xizmati "Umumiy ovqatlanish korxonalari tomonidan alkogolli mahsulotlarni sotish huquqi uchun ruxsat guvohnomasini olishga" ariza taqdim etish imkoniyatini beradi, deb xabar qiladi uz24.uz nashri.

"Ushbu xizmatdan umumiy ovqatlanish korxonalari bor yuridik shaxslar foydalanishi mumkin. "Umumiy ovqatlanish korxonalari tomonidan alkogolli mahsulotlar sotish tartibini takomillashtirish chora-tadbirlari to‘g‘risida" 2012-yil 28-martdagi №89 son qaroriga asosan ruxsat guvohnomasini berish uchun belgilangan miqdorda yig‘im undiriladi", — deyilgan xabarda.

Umumiy ovqatlanish korxonalari tomonidan alkogolli mahsulotlarni sotish huquqi uchun ruxsat guvohnomasini olish to‘g‘risida arizachini xabardor qilish ushbu xizmatning natijasi hisoblanadi.

Xizmatni ko‘rsatish muddati 15 kun.