TOShKENT, 12 okt — Sputnik. Peskov Putinning xalqaro masalalar bo‘yicha yordamchisi lavozimini egallashi mumkin, deb xabar qilmoqda RIA Novosti prezident ma’muriyati vakillariga tayangan holda.
Putinning amaldagi yordamchisi Yuriy Ushakov mart oyida 70 yoshni qarshi oladi. Nashr xabariga ko‘ra, shundan so‘ng u prezident ma’muriyatini tark etishni rejalashtirgan. "Ehtimol u Yevropa mamlakatlarining biriga Elchi etib tayinlanar", — deb taxmin qilgan suhbatdosh.
"Ria Novosti" nashrining xabariga ko‘ra, Ushakovning iste’fosi haqidagi masala keyingi yilning mart oyiga qadar, ya’ni diplomat 70 yoshni qarshi olgunga qadar hal bo‘lishi ham mumkin. Manbalarning so‘zlariga ko‘ra, Ushakov o‘z vazifasini yaxshi uddalagan, Putin undan hech qachon norozi bo‘lmagan.
"Rossiyaning Xitoydagi Elchisi Andrey Denisov va bir qator IIV xodimlari masalan bu lavozimga da’vogarlik qilib turishibdi", — deb aniqlik kiritgan vakil.
"Bu o‘ta muhim lavozimlardan biri bo‘lgani uchun nomzodlar sinchiklab tanlab olinadi", — deya ta’kidlangan nashrda.
Eslatib o‘tamiz, Dmitriy Peskov 2012-yilning may oyidan buyon Putinning matbuot-kotibi vazifasida faoliyat yuritib keladi. Unga qadar Peskov to‘rt yil davomida hukumat raisi matbuot-kotibi vazifasida ishlagan.
