TOShKENT, 12 okt — Sputnik. O‘zbekiston paxtachilik va umuman qishloq xo‘jaligi sohasida resurslarni tejaydigan texnologiya va universal mashinalar tizimini joriy etish orqali 2020-yilga kelib qo‘l mehnatini 30%ga kamaytirishni rejalashtirmoqda. Toshkentda bugun ochilgan XII xalqaro o‘zbek paxta va to‘qimachilik yarmarkasida namoyish etilayotgan materiallarni ko‘zdan kechirib xuddi ana shunday xulosaga kelish mumkin.
O‘zbekistonda 2012-yilda qishloq xo‘jaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi to‘g‘risida Davlat dasturi qabul qilingan edi. Hujjat qo‘l mehnati ulushini qisqartirishni hamda mexanizatsiya hamda innovatsiyaga oid texnologiyalardan foydalanishni qo‘llab-quvvatlashni nazarda tutardi.
Jumladan, dasturda 60 turdan ziyod yangi texnikalarni tashkillashtirish rejalashtirilgan edi.
E’tiborlisi, respublikada paxtaning aksariyat navlari mashinada terishga moslashgan. Bunday seleksiya maydonlari yiliga ko‘paymoqda, va yaqin istiqbolda ularning hamjmi 1 million gektarga yetkazilishi rejalashtirilgan.
O‘zbekiston qishloh va suv xo‘jaligi vazirligi ma’lumotlariga ko‘ra, 2020-yilga kelib paxta hosilining 80% paxta terish mashinalarida yig‘ib olinadi.