TOShKENT, 4 okt — Sputnik. Checheniston rahbari o‘ziga suiqasd uyushtirilayotgani haqidagi mish-mishlarni kinoya ila qarshi oldi, deb xabar qiladi RIA Novosti.
Ilgariroq OAVlarda Ramzan Qodirov tez-tez qadamranjida qiladigan qarorgohlardan birida fitnachilar tomonidan portlovchi modda joylashtirilgani haqida ma’lumot chop etilgan edi. "Kuch xodimlari Benoy qishlog‘ida tayyorlangan suiqasdni bartaraf etishga muvaffaq bo‘ldilar", — deyilgan edi xabarda.
Ushbu yangilik chop etilgach, ushbu borada izoh qoldirayotganlar orasida kadyrov_95 akkaunti ostida "maqola qahramoni"ning o‘zi ham paydo bo‘lgan va "nega bundan men bexabarman?" deya savol tashlagan.
Ramzan Qodirov 2007-yilning fevral oyidan buyon Chechenistonga rahbarlik qilib keladi. Joriy yilning 18-sentabr kuni u qayta saylandi. Qodirov uchun mamlakatning 98% aholisi ovoz bergan.