TOShKENT, 28 sen — Sputnik. Xalq deputatlari Boyovut tumani Kengashining navbatdan tashqari o‘n beshinchi sessiyasi bo‘lib o‘tdi. Unda tashkiliy masala ko‘rib chiqildi. Bu haqda Sirdaryo viloyati hokimligi matbuot xizmati tomonidan xabar qilingan.
Deputatlar viloyat hokimi Oybek Ashurmatovning Boyovut tumani hokimi lavozimiga "O‘zvinosanoat-xolding" kompaniyasi boshqaruvi raisining iqtisodiy masalalar bo‘yicha o‘rinbosari vazifasida ishlab kelayotgan Rahimjon Mahamadjonovich Boboyevni saylash to‘g‘risidagi qarorini muhokama qildi.
Rahimjon Mahamadjonovich Boboyev Boyovut tumani hokimi etib tasdiqlandi.
Sessiyada, shuningdek, O‘zbekiston Respublikasi Oliy Majlisi Senati a’zosi, viloyat hokimi Oybek Ashurmatov tumanning ijtimoiy-iqtisodiy rivojlantirish to‘g‘risida ma’ruza qildi.
Sessiya ishida O‘zbekiston Respublikasi Prezidenti Davlat maslahatchisi Davron Nazarmuxamedov ishtirok etdi va so‘zga chiqdi.