TOShKENT, 16 sen — Sputnik. Toshkentning Bunyodkor va Muqimiy ko‘chalari kesishmasida, “Novza” metro bekati yonida, yangi transport bog‘lamasi qurilishi boshlandi, deb xabar qilmoqda "Novosti Uzbekistana" portali.
Bugun ushbu chorrahada uzunligi 600 metr bo‘lgan, olti qatorli yo‘l o‘tkazgich qurilishi boshlandi. Ushbu munosabat bilan shahar ma’muriyati haydovchilarni hududdagi harakat cheklanishlari haqida ogohlantirgan edi.
Ushbu gavjum chorrahada yo‘l o‘tkazgich qurilishi haqida 2016-yilning mart oyida ma’lum bo‘lgan edi. Qurilish yakunlanishining aniq muddati hali e’lon qilingani yo‘q.
