TOShKENT, 13-iyul — Sputnik. Vashington alyansga a’zo mamlakatlarni "Moskva tajovuzkorligiga" ishontirmoqchi bo‘lyapti, ammo bu afsonaga ishonmaydigan davlatlar borligi ma’lum bo‘lib qoldi, deydi jurnalist Brayan Makdonald. RIA Novosti xabari asosida.
"Vashington birgina Berlinning fikrini inobatga olishi mumkin. Ammo uning ham Rossiyaga nisbatan ohangi kun sayin qarama-qarshi tus olmoqda", — deyilgan maqolada.
Misol uchun, Germaniya TIV rahbari Frank-Valter Shtaynmayer alyansning Polshadagi harbiy mashg‘ulotlarini keskin tanqid ostiga olib, ularni "qurollar jarang-jurungi", deya atagan bir vaqtda, kansler Angela Merkel Boltiqbo‘yi mamlakatlari, ya’ni Rossiya biqiniga o‘z qo‘shinlarini yuborish istagida yonmoqda, deya yozadi jurnalist.
Makdonaldning fikricha, Qo‘shma Shtatlar o‘zining ulkan harbiy budjetini ushlab turish uchun ham "Rossiya tajovuzkorligi" mavzusini qunt ila rivojlantirmoqda.
Rossiya NATO uchun xavf tug‘dirmaydi, Moskvaning alyansga hujum qilishi ssenariysi esa o‘ylab topilgan uydirmadan boshqa narsa emas, deydi ishonch bilan jurnalist. AQSh o‘z ittifoqdoshlarini "Rossiya tajovuzkorligi" haqidagi afsonaga ishontirishga xarchand urinmasin, Yevropaning aksariyat davlatlari bunga ishonmasliklarini ma’lum qilishdi.
Maqola muallifi fikricha, Moskva o‘z chegarasida alyans tomonidan uyushtirilgan "qurol-aslahalar jarang-jurungiga" e’tibor qilmasligi lozim. Zero, bu narsa — qurol-yarog‘ sanoati hisobiga tamagirlik bilan shug‘ullanib kelayotgan NATOning sovuq urush sarqiti ekanligini ko‘rsatib bermoqda.
