TOShKENT, 19-may — Sputnik. Euromonitor International tomonidan o‘tkazilgan tadqiqotlar natijasi O‘zbekiston aholisining deyarli barchasi choyni xush ko‘rishini ko‘rsatdi, deb xabar qilmoqda The Independent.
Nashr ma’lumotida, mamlakatimizning 99,6% aholisi kunni xushta’m ichimliksiz boshlamasligi xabar qilingan. Gvatemalaning xuddi shuncha foiz aholisi esa o‘z hayotini qahvasiz tasavvur qilolmasligini aytgan.
Choyxo‘rlikni xush ko‘ruvchi mamlakatlar qatoridan, shuningdek, Keniya (99,2%), Ozarbayjon (99,1%), Pokiston (99%), Xitoy (98,9%) va Misr (98,5%) o‘rin olgan.
Qahvani sevib iste’mol qiladigan davlatlar sirasiga esa Dominikan Respublikisi (99%), Braziliya va Ekvador (97,4%), Misr (96,8%), hamda Daniya (92,2%) kirgan.
Rossiyaning 77,5% aholisi choyni, 22,5% aholisi esa qahvani xush ko‘rishlari aytilgan. Buyuk Britaniyaliklar orasida ham choyni sevib iste’mol qiladiganlar soni ko‘pligi ma’lum bo‘ldi — 78,4%.
