TOShKENT, 22 mar — Sputnik. Brussel aeroportida ikkita portlash ro‘y berdi, RIA Novosti xabariga ko‘ra.
Hozircha portlash sabablari aniqlanmagan. OAVlarda aniqlik kiritilishicha, portlashlar aeroportning uchish zalida ro‘y bergan. Ma’lumotlarga qaraganda, 11 kishi halok bo‘lgan, 20ga yaqin inson jarohatlangan. Hozirda yo‘lovchilar evakuatsiya qilinmoqda, deb xabar bermoqda Sky News telekanali.
Barcha reyslar bekor qilinganligi ta’kidlanmoqda. RTBF telekanali xabariga ko‘ra, portlashlar terrorchilar tomonidan amalga oshirilgan bo‘lishi mumkin. Belgiya hukumati portlashlar yuzasidan favqulodda yig‘in o‘tkazmoqda.
