TOShKENT, 30 apr — Sputnik. Ko‘ksaroy qarorgohida O‘zbekiston prezidenti Shavkat Mirziyoyev va Chexiya bosh vaziri Andrey Babishning muzokaralari bo‘lib o‘tdi. Bu haqda prezident matbuot xizmati xabar berdi.
Uchrashuvda tomonlar o‘zaro savdo hajmini mahsulot turlarini kengaytirish orqali 1 mlrd dollarga yetkazish vazifasini belgiladi.
Hamkorlikning asosiy yo‘nalishlari sifatida quyidagilar qayd etildi:
• mashinasozlik;
• “yashil” energetika;
• geologiya va muhim xomashyo;
• kimyo va farmatsevtika;
• infratuzilma va “aqlli” shaharlar;
• muhandislik va raqamlashtirish.
• “yashil” energetika;
• geologiya va muhim xomashyo;
• kimyo va farmatsevtika;
• infratuzilma va “aqlli” shaharlar;
• muhandislik va raqamlashtirish.
Tomonlar O‘zbekiston fuqarolarini Chexiya mehnat bozoriga tartibli va qonuniy jalb qilish istiqbollarini muhokama qildi.
Avvalroq Chexiya har yili O‘zbekiston fuqarolari uchun 150 ta mehnat vizasi kvotasi ajratishi ma’lum qilingan edi. Hamkorlikda tibbiyot sohasi mutaxassislari, xususan, hamshiralar va qariyalarni parvarishlovchi xodimlarni tayyorlash masalasiga alohida e’tibor qaratilayotgani xabar qilingan.
Shuningdek, Chexiyada O‘zbekistonning birinchi sertifikatlash filiali tashkil etilayotgani ma’lum qilindi. Chexiyalik hamkorlar bilan “Yevro-6” standartidagi avtomobillarni sertifikatlash va kvant etaloni bo‘yicha zamonaviy laboratoriya qurish rejalashtirilgan.
Tomonlar ta’lim, akademik almashinuv, madaniyat kunlari, ko‘rgazma va konsertlar, shuningdek sayyohlar oqimini ko‘paytirish masalalarini ham ko‘rib chiqdi.
Shu maqsadda Toshkent va Praga o‘rtasida to‘g‘ridan-to‘g‘ri aviareysni qayta tiklash masalasi o‘rganiladi.
Yakunda qabul qilingan qarorlarni amalga oshirish bo‘yicha qo‘shma “yo‘l xaritasi”ni ishlab chiqishga kelishib olindi.