TOShKENT, 23 apr — Sputnik. 25 aprel kuni Elit Chempionlar ligasining final uchrashuvi bo‘lib o‘tadi. Unda Saudiya Arabistonining “Al Ahli” hamda Yaponiyaning “Machida” jamoalari o‘zaro to‘qnash keladi.
Mazkur bellashuvni o‘zbekistonlik hakamlar jamoasi boshqarib boradi. Bu haqda O‘zbekiston futbol assotsiatsiyasi xabar berdi.
Uchrashuvda Ilgiz Tantashev bosh hakam, Andrey Sapenko yordamchi hakam, Firdavs Norsafarov esa AVAR hakami sifatida ishlaydi.
AFC Champions League Elite Osiyodagi eng kuchli klublar ishtirok etadigan bosh turnir hisoblanadi.