TOShKENT, 13 apr — Sputnik. O‘zbekiston va Rossiya bosh vazirlari Abdulla Aripov va Mixail Mishustin Moskvada ikki mamlakat hukumat rahbarlari darajasidagi Qo‘shma komissiyaning 6-yig‘ilishini o‘tkazdi.
Savdo-iqtisodiy, ilmiy-texnologik va madaniy-gumanitar hamkorlikka alohida e’tibor qaratildi. Strategik tarmoqlarda: sanoat, energetika, shu jumladan, tinch atom energetikasi, transport infratuzilmasi, qishloq xo‘jaligi, ta’lim va tomonlarni qiziqtirgan boshqa sohalarda qo‘shma loyihalarni amalga oshirishga alohida e’tibor qaratildi.
Qo‘shma komissiya O‘zbekiston va Rossiya prezidentlari tashabbusi bilan 2018-yil oktabr oyida tuzilgan. Uning birinchi yig‘ilishi 2019-yil Urganchda, ikkinchisi 2021-yil Moskvada, uchinchisi 2022-yil Samarqandda, to‘rtinchisi 2023-yil Moskvada, beshinchisi 2024-yil Toshkentda bo‘lib o‘tdi.