TOShKENT, 29 mar — Sputnik. Mo‘g‘uliston poytaxti Ulan-Batorda 28-martdan 11-aprelgacha o‘tayotgan boks bo‘yicha Osiyo chempionatining ilk bellashuvlarida O‘zbekiston va Qozog‘iston vakillari o‘zaro kuch sinashadi. Bu haqda Asian Boxing tashkilotining rasmiy turnip sahifasida ma’lum qilingan.
Rasmiy qur’a natijalariga ko‘ra, ayollar o‘rtasidagi 48 kg vazn toifasida o‘zbekistonlik Sabina Boboqulova 5-aprel kuni qazaqstanlik Aygerim Sattibayevaga qarshi ringga chiqadi. Yana bir O‘zbekiston — Qozog‘iston jangi +80 kg vaznda bo‘lib o‘tadi: 6-aprel kuni Oltinoy Sotimboyeva Dina Islambekova bilan bahslashadi.
O‘zbekiston terma jamoasining eng yaqin janglari ham allaqachon rasman belgilangan. 30-mart kuni Humorabonu Mamajonova (54 kg) tailandlik Natnicha Chongpronglang bilan, Havasbek Asadullayev esa (70 kg) hindistonlik Dipak bilan to‘qnash keladi. 31-mart kuni Shaxzod Muzaffarov Iordaniya vakili Mahdi Almasalexraga qarshi ringga chiqsa, 1-aprel kuni Asilbek Jalilov yapon bokschisi Daichi Ivai bilan kuch sinashadi.
Qur’a jadvaliga ko‘ra, Nigina O‘ktamova (57 kg) dastlabki bosqichni o‘tkazib yuboradi va musobaqani 5-apreldan boshlaydi. Aziza Zokirova (75 kg) 4-aprel kuni yapon bokschisiga qarshi chiqadi, Javohir Abdurahimov esa (75 kg) 7-aprel kuni qirg‘izistonlik Atai Damir bilan chorak finalda jang qiladi.
Asian Boxing turnir oldidan bergan rasmiy sharhida ham Bobokulova, O‘ktamova, Abdurahimov va Zokirova O‘zbekistonning e’tiborga molik ishtirokchilari sifatida tilga olingan.