TOShKENT, 26 mar – Sputnik. Toshkentdagi CAEx majmuasida O‘zbekiston va Tojikiston o‘rtasidagi sanoat kooperatsiyasiga bag‘ishlangan qo‘shma ko‘rgazma ochildi. Bu haqda Qishloq xo‘jaligi vazirligi matbuot xizmati xabar berdi.
Ko‘rgazmada agrar tarmoq salohiyati, zamonaviy texnologiyalar va eksportbop mahsulotlar namoyish etilmoqda.
O‘zbekiston tomoni qishloq xo‘jaligi sohasida meva-sabzavot mahsulotlari, qayta ishlash sanoati yechimlari, agrotexnologiyalar, suv tejovchi innovatsion usullar, paxtachilik, bog‘dorchilik va organik mahsulotlar ishlab chiqarishdagi tajriba va imkoniyatlarni taqdim etdi. Tojikiston esa meva-sabzavotlar va quritilgan mevalarini namoyish qildi.
Otkrita sovmestnaya vistavka promishlennoy kooperatsii mejdu Uzbekistanom i Tadjikistanom
© Ministerstvo selskogo xozaystva
Mutaxassislarning fikricha, mazkur ko‘rgazma ikki davlat o‘rtasida qishloq xo‘jaligidagi kooperatsiyani yangi bosqichga olib chiqishi, oziq-ovqat xavfsizligini mustahkamlashi, qo‘shma loyihalarni kengaytirishi va qishloq joylarda yangi ish o‘rinlari yaratishi mumkin.