TOShKENT, 11 mar — Sputnik. Rossiya prezidenti Vladimir Putin oddiy askar Sergey Yarashevga maxsus harbiy operatsiyadagi janglarda ko‘rsatgan mardligi va qahramonligi uchun "Rossiya Qahramoni" unvonini berish to‘g‘risida farmonni imzoladi.
Hujjatda unvon harbiy burchini bajarish chog‘ida ko‘rsatgan jasorati uchun berilgani aytilgan.
Yarashev haqida 10-mart kuni Kremlda bo‘lib o‘tgan uchrashuvda DXR rahbari Denis Pushilin ma’lum qildi. Uning so‘zlariga ko‘ra, samaralik 21 yoshli harbiy xizmatchi Grishino aholi punkti rayonida Krasnoarmeysk yo‘nalishidagi tayanch nuqtani 68 kun davomida yolg‘iz holda himoya qilgan.
Pushilinning ta’kidlashicha, jangchi dushmanning asosiy kuchlardan uzib qo‘yishga qaratilgan urinishlariga qaramay, pozitsiyani tashlab ketmagan. Qarshi hujumlar 68 kun davomida to‘xtamagan, ammo Yarashev tayanch nuqtani ushlab turishga muvaffaq bo‘lgan. Dushman kechasi ham, kunduzi ham, artilleriya yordamida va yon tomonlardan hujum qilib, uni pozitsiyadan siqib chiqarishga urindi. O‘q-dori, minalar va oziq-ovqat rossiyalik askarga kopterlar orqali yetkazib turilgan.
Ma’lum qilinishicha, harbiy xizmatchi keyinchalik evakuatsiya qilingan. Hozir u gospitalda davolanmoqda, shifokorlar uning ikki oyog‘ini kesishga majbur bo‘lgan. Shunga qaramay, Pushilin uning qo‘yilgan vazifani to‘liq bajarganini qayd etgan.
Avvalroq “Rossiya segodnya” xalqaro media guruhi va RT telekanali bosh muharriri Margarita Simonyan Yarashevga Tigran Keosayan nomidagi mukofot — 1 million rubl — berilishini ma’lum qilgan edi.