TOShKENT, 1 mar — Sputnik. Rossiyaning Tver viloyatida yuqori tezlikdagi temir yo‘l magistrallari uchun butlovchi qismlar ishlab chiqarishga mo‘ljallangan “KSK” sanoat texnoparki yangi binosi poydevoriga ramziy tosh qo‘yildi.
Viloyat gubernatori vazifasini bajaruvchi Vitaliy Korolevning ta’kidlashicha, loyiha Yevroosiyo iqtisodiy ittifoqi (YeOII)doirasidagi sanoat kooperatsiyasi namunasi bo‘lib, uni amalga oshirishda Rossiya, Belarus va Armaniston ishtirok etmoqda.
Ma’lum qilinishicha, “KSK” maydonchasida barpo etiladigan yangi quvvatlar Rossiyaning birinchi tezurar poyezdi hamda boshqa temir yo‘l transporti uchun noyob va yuqori texnologik mahsulotlarni ishlab chiqarish imkonini beradi.
Loyiha “Voyaj NPO” MChJ tomonidan YeOIIning sanoat kooperatsiyasini moliyaviy qo‘llab-quvvatlash mexanizmlari doirasida amalga oshirilmoqda. U 300 ga yaqin yangi ish o‘rni yaratishni nazarda tutadi. Ishlab chiqarishni 2028-yildan boshlash rejalashtirilgan.
Loyiha parametrlari:
– 12 ming kvadrat metr maydonga ega ishlab chiqarish korpusi barpo etiladi;
– zamonaviy yuqori texnologik uskunalar o‘rnatiladi;
– mahsulotlar yuqori tezlikdagi temir yo‘l magistrallari ehtiyojlari uchun mo‘ljallanadi;
– loyiha YeOII doirasidagi sanoat kooperatsiyasi dasturi orqali moliyalashtirilmoqda.
– zamonaviy yuqori texnologik uskunalar o‘rnatiladi;
– mahsulotlar yuqori tezlikdagi temir yo‘l magistrallari ehtiyojlari uchun mo‘ljallanadi;
– loyiha YeOII doirasidagi sanoat kooperatsiyasi dasturi orqali moliyalashtirilmoqda.