TOShKENT, 12 yanv — Sputnik. 12 yanvar kuni Toshkent shahridagi ayrim ko‘chalarda soat 11:00 dan 13:00 gacha avtotransport vositalari harakati vaqtinchalik cheklanadi. Bu haqda Mudofaa vazirligi matbuot xizmati xabar berdi.
Ma’lum qilinishicha, Qurolli Kuchlar tashkil etilganining 34-yilligi hamda Vatan himoyachilari kuni munosabati bilan poytaxtda Qurolli Kuchlar tarkibiga kiruvchi vazirlik va idoralar harbiy bo‘linmalarining tantanali piyoda yurish marosimi bo‘lib o‘tadi.
Yurish Harbiy xavfsizlik va mudofaa universitetidan (mo‘ljal: “Pushkin” metro bekati) soat 11:00 da boshlanib, 13:00 ga qadar davom etadi.
V Tashkente 12-yanvarya sostoitsya torjestvennoe shestvie voinskix podrazdeleniy, priurochennoe k 34-y godovshine sozdaniya VS Uzbekistana
© telegram sputnikuzbekistan
/ Harbiy bo‘linmalar dastlab boshlanish nuqtasidan “Parkent” va “Mustaqillik” ko‘chalari bo‘ylab harakatlanib, Amir Temur xiyobonidagi to‘xtash nuqtasiga yetib boradi. U yerda faxriy qorovul jamoasi va qo‘l jangi ustalarining ko‘rgazmali chiqishlari, bo‘linmalarning jangovar chaqiriqlari hamda harbiy orkestrning defile namoyishlari o‘tkaziladi.
Shundan so‘ng bo‘linmalar “Mustaqillik” va “Temiryo‘l” ko‘chalari orqali manziliga qaytadi.