TOShKENT, 10 yanv – Sputnik. Eron huquqni muhofaza qilish organlari xodimlari Tehron chekkasidagi Bahareston shahrida tartibsizliklar paytida qurol ishlatgan 100 kishini hibsga oldi, dedi shahar rahbari Abdulhamid Sharafi.
"Hududda yuz kishi, jumladan, jamoat tartibini buzgan va tartibsizliklarga rahbarlik qilganlar hibsga olindi. Ular odamlarga, shuningdek, huquqni muhofaza qilish organlari va xavfsizlik kuchlariga qarshi qurol va o‘qotar qurol ishlatgan", - deya Sharafining so‘zlarini keltiradi Tasnim axborot agentligi.
8 yanvar kuni Tehronda 1979-yilda ag‘darilgan Eron shohining avlodi Rizo Pahlaviyning chaqirig‘idan so‘ng norozilik yurishlarining navbatdagi to‘lqini bo‘lib o‘tdi. Namoyishchilar tez yordam mashinalari va shahar avtobuslari, metro bekatlari, masjidlar, banklar va do‘konlarni vayron qildi.
Eron rahbariyati ushbu voqealarning siyosiy tomonga burilishida Isroil va AQShni aybladi.
Eslatib o‘tamiz, Eronda dastlabki norozilik namoyishlari 2025-yil dekabr oyi oxirida mahalliy valyuta - Eron rialining qadrsizlanishi tufayli boshlangan edi. Keyinchalik namoyishchilar siyosiy talablarga o‘tib, mavjud siyosiy tizimga qarshi shiorlar yangray boshladi. Bir necha shaharlarida politsiya bilan to‘qnashuvlar sodir bo‘ldi. Xavfsizlik kuch va namoyishchilar orasida qurbonlar soni kun sayin oshib bormoqda.