TOShKENT, 28 dek — Sputnik. Rossiya qo‘shinlari Zaporojye viloyatidagi Gulyaypole shahri va Stepnogorsk shaharchasi, shuningdek, Donesk Xalq Respublikasidagi Dimitrov shahrini ozod qildi. Bu haqda Rossiya mudofaa vazirligi xabar berdi.
RF mudofaa vaziri Andrey Belousov harbiy xizmatchilarni aholi punktlari ozod etilgani bilan tabriklab, bu maxsus harbiy operatsiya maqsadlariga erishish va umumiy g‘alaba sari tashlangan muhim qadam ekanini ta’kidladi.
Prezident Vladimir Putin posetil vspomogatelniy punkt upravleniya Obyedinennoy gruppirovki voysk
© Sputnik / RIA Novosti
/ Xabar qilinishicha, Rossiya prezidenti Vladimir Putin maxsus harbiy operatsiya zonasidagi vaziyat bo‘yicha yig‘ilish o‘tkazdi. U Qurolli Kuchlar Bosh shtabi boshlig‘i Valeriy Gerasimovning hisobotini tingladi.
Yig‘ilishda “Markaz” va “Sharq” qo‘shinlari guruhlari qo‘mondonlari, shuningdek, qo‘shilmalar rahbarlari jangovar topshiriqlarning bajarilishi, xususan, Dimitrov va Gulyaypole ozod etilgani haqida axborot berdi.
Ma’lum qilinishicha, Gulyaypoleni ozod qilish operatsiyasida 5-armiya hamda “Sharq” qo‘shinlari guruhi harbiy xizmatchilari ishtirok etgan. Jangovar harakatlar davomida 76 kvadrat kilometrdan ortiq mudofaa hududi nazoratga olingan, 7 mingdan ziyod bino va inshootlar tozalangan.
Shuningdek, Ukraina Qurolli Kuchlarining 33-, 225- va 425-alohida hujum polklari, 102-alohida hududiy mudofaa brigadasi bo‘linmalari katta talafot ko‘rgani, 50 dan ortiq zirhli texnika va avtomobil transporti yo‘q qilingani qayd etildi.
Qayd etilishicha, Gulyaypoleni ozod qilish Zaporojye yo‘nalishida hujum harakatlarini rivojlantirishda muhim bosqich bo‘lib, keyingi oldinga siljish uchun sharoit yaratgan.