TOShKENT, 24 noya – Sputnik. DXR rahbari Denis Pushilin “Rossiya 24” telekanaliga bergan intervyusida Krasnoarmeyskdagi vaziyat, Ukraina qo‘shinlarining qarshi hujumlari va bir qator yo‘nalishlardagi chekinishlar haqida ma’lumot berdi.
"Krasnoarmeysk yo‘nalishida, shaharning o‘zida, uning katta qismi hozirda Rossiya Qurolli kuchlari nazorati ostida. Dushmanni parchalash ishlari davom etmoqda. Dushman "qozonda" qamalib, jiddiy yo‘qotishlarga uchramoqda", - dedi u.
Unga ko‘ra, Rossiya qo‘shinlari Krasnoarmeysk–Dimitrov aglomeratsiyasini tezroq ozod etish uchun yana bir yo‘nalishdan hujumni shakllantirmoqda.
Shuningdek, Pushilin Ukraina qo‘shinlarining qarshi hujumlari “muvaffaqiyatsiz” kechayotganini ta’kidladi.
"Dobropolye yo‘nalishida, muhim tomoni shundaki: dushman u yerga eng motivatsiyalangan bo‘linmalarini tashlayapti — ehtimol, bizning qo‘shinlarni ushlab turish uchun, boshqacha tushuntirish qiyin. Lekin Rodinskoe va Shaxovo yo‘nalishlarida dushman tomonidan olib borilayotgan harakatlar muvaffaqiyatsiz kechmoqda”, — dedi DXR rahbari.
Konstantinovkada esa Ukraina bo‘linmalari og‘ir ahvolga tushgani aytildi.
"Konstantinovka markazidagi dushman texnikani tashlab, chekinayotganda yaradorlarni tashlab ketayotgan faktlar bor", - dedi u.
Pushilinning so‘zlariga ko‘ra, Rossiya qo‘shinlari Konstantinovkaning janubi va janubi-sharqida pozitsiyalarini yaxshilagan.