Islom sivilizatsiyasi markazi: asrlar bo‘ylab sayohat

19:51, 23-Noyabr 2025
Toshkentda barpo etilayotgan Islom sivilizatsiyasi markazi — O‘zbekiston tarixida ilgari misli ko‘rilmagan ilmiy-ma’rifiy majmua. Bu yerda ming yillik ma’rifat merosi, zamonaviy texnologiyalar va Renessans ruhi uyg‘unlashib, mamlakatning yangi intellektual qiyofasini namoyon etmoqda
Sputnik
TOShKENT, 23 noya — Sputnik, Bahrom Hatamov. Toshkent shahrida barpo etilayotgan Islom sivilizatsiyasi markazi O‘zbekistonning ma’naviy tarixida yangi bosqichni boshlab beruvchi, ilgari bo‘lmagan ulkan va innovatsion loyiha sifatida e’tirof etilmoqda. Loyiha 2017-yilda prezident Shavkat Mirziyoyev tashabbusi bilan yo‘lga qo‘yilib, 2018-yil Ramazon hayitida uning poydevoriga tamal toshi qo‘yilgan.
Markaz loyihasiga yuzlab mahalliy va xorijiy olimlar, ekspertlar, jamoat arboblari jalb etilgan. Qorasaroy ko‘chasida zamonaviy texnologiyalar va o‘rta asr Samarqand–Hirot me’morchiligi uyg‘unligida barpo etilayotgan bino 10 gektar maydonni egallaydi. 65 metrli mahobatli gumbaz, 34 metrli peshtoqlar va o‘ta nozik naqshlar markazga o‘ziga xos salobat bag‘ishlaydi.
1 / 24

Islom sivilizatsiyasi markazi (Toshkent)

© Sputnik / Baxrom Xatamov
2 / 24

Tarix mozaikasi: Markaziy Osiyoning buyuk arboblariga bag‘ishlangan zal

© Sputnik / Baxrom Xatamov
3 / 24

Qur’on oyatlari yozilgan xirqa.
Hindiston, Boburiylar davri, XVI asr boshi
Paxta, siyoh
65×94cm

© Sputnik / Baxrom Xatamov
4 / 24

Marmar favvora. Markaziy Osiyo, XIV-XV asrlar

© Sputnik / Baxrom Xatamov
5 / 24

Tarixiy asarlar bilan o‘ralgan va an’anaviy sharqona koshinlar bilan bezatilgan boy bezatilgan marosim yoki to‘y libosi bilan jihozlangan ko‘rgazma xonasi

© Sputnik / Baxrom Xatamov
6 / 24

Sharq shaxmati: O‘zbekiston sivilizatsiyasi muzeyidan ajoyib ko‘rgazma

© Sputnik / Baxrom Xatamov
7 / 24

Markaziy Osiyoning XVI-XIX-asrlardagi madaniy merosi va dekorativ-amaliy san’atini namoyish etuvchi kutubxona/yashash xonasi tarzidagi ichki zal.

© Sputnik / Baxrom Xatamov
8 / 24

Uch oyoqli qozon G‘aznaviylar davri, XI-XII asrlar 50 x 56.5 sm

© Sputnik / Baxrom Xatamov
9 / 24

Tarixiy artefaktlar: Maxmal, orqasida Maqomi Ibrohim

© Sputnik / Baxrom Xatamov
10 / 24

Amir Temur Ulug‘ tog‘ bitigi XIV asr

© Sputnik / Baxrom Xatamov
11 / 24

Katta hajmdagi sharqona miniaturalarga ega stend

© Sputnik / Baxrom Xatamov
12 / 24

Qadimgi ustalar san’ati: muzey kolleksiyasidan bronza va sopol ko‘zalar

© Sputnik / Baxrom Xatamov
13 / 24

Arxitektura ulug‘vorligi: Fasad o‘zbek moviy mayolikasi va xattotligi bilan bezatilgan

© Sputnik / Baxrom Xatamov
14 / 24

Saljuqiylarning hukmdorlik ramzi
Markaziy Osiyo, XII asr
Ikki boshli burgut tasviri tushirilgan metall
32.8x17.4sm

© Sputnik / Baxrom Xatamov
15 / 24

Ipak yo‘li artefaktlari: qadimiy shisha idishlar

© Sputnik / Baxrom Xatamov
16 / 24

Qo‘lozmalar va artefaktlar: Toshkentdagi Islom sivilizatsiyasi markazidagi ko‘rgazma

© Sputnik / Baxrom Xatamov
17 / 24

Saljuqiylarga oid zargarlik buyumlari to‘plami
IX-XIII asrlar
Eng uzun zanjir: 28.1sm

© Sputnik / Baxrom Xatamov
18 / 24

Muqarnas san’ati: Toshkentdagi Islom sivilizatsiyasi markazi portali

© Sputnik / Baxrom Xatamov
19 / 24

Sharq san’ati: Islom sivilizatsiyasi markazida miniaturalar, dekorativ kulolchilik va metall buyumlar

© Sputnik / Baxrom Xatamov
20 / 24

Mag‘oki Attori masjidini maketi, Buxoro, ІX-X asrlar. 119.5 x 87 CM

© Sputnik / Baxrom Xatamov
21 / 24

Arxeologiya va interaktiv: Ilk o‘rta asrlar ko‘rgazmasi (VIII-asr)

© Sputnik / Baxrom Xatamov
22 / 24

Halqa-ko‘krak tumori.
Taxminan 1870-yil, Qoraqalpog‘iston, O‘zbekiston
Kumush, zarhal, marjon, aqiq, qolib, filigran
23x18,5sm

© Sputnik / Baxrom Xatamov
23 / 24

Choydish. Buxoro, XIX asr. Mis, kandakorlik

© Sputnik / Baxrom Xatamov
24 / 24

Islom sivilizatsiyasi markazining Buxoro portali

© Sputnik / Baxrom Xatamov
Markaz tarkibida ilmiy-tadqiqot bo‘limlari, nodir qo‘lozmalar fondi, milliondan ziyod adabiyotni o‘z ichiga oluvchi kutubxona, raqamlashtirish laboratoriyalari, restavratsiya ustaxonalari, xalqaro markazlar va ziyorat turizmi bo‘limlari joy oladi. Birinchi qavatdagi 15 ming kvadrat metrli ko‘rgazma galereyasi zamonaviy multimedia vositalari orqali ajdodlar merosini yangi formatda namoyish etadi.
Ekspozitsiyalar "Islomdan avvalgi sivilizatsiyalar", "Birinchi va Ikkinchi Renessans", "Yangi O‘zbekiston — Uchinchi Renessans poydevori", "Qur’oni karim" kabi mavzularni qamrab oladi. Xorazmiy, Farg‘oniy, Beruniy, Ibn Sino, Mirzo Ulug‘bek, Navoiy, Bobur kabi allomalar, shuningdek, Bibixonim, Nodirabegim, Uvaysiydek ma’rifat homiylarining bebaho hissasi maxsus ekspozitsiyalar orqali yoritiladi.
"Islom sivilizatsiyasi markazi — bu o‘tmishdan nafaqat g‘urur, balki kelajakka yo‘l ochayotgan milliy ma’rifat majmuasi".
Qur’oni karim zalida esa musulmon olamining eng qimmatli meroslaridan biri — Usmon Mushafi namoyish etiladi. Shu bilan birga turli sulolalar davrida yaratilgan qo‘lozma Qur’onlar va ularning tarjimalari ham taqdim etiladi.
"Vaqt kapsulasi" va "Vaqt devori" kabi interaktiv loyihalar tashrif buyuruvchilarni asrlar osha sayohatga yetaklaydi. Markaz YuNESKO va AYSESKO kabi nufuzli tashkilotlar bilan hamkorlik qilayotgani uning xalqaro ilmiy maydondagi o‘rnini yanada mustahkamlamoqda.
800 tadan ortiq ilmiy loyihalar ustida 50 tadan ziyod mamlakatdan kelgan 600 nafardan ortiq mutaxassis ish olib borayotgan markaz Yangilangan O‘zbekistonning ma’rifat strategiida muhim ustunga aylanmoqda.
MadaniyatIslom sivilizatsiyasi markazitarixeksponatToshkent