TOShKENT, 20 noya – Sputnik. Bishkek shahrida bo‘lib o‘tayotgan CARECning 24-Vazirlar konferensiyasida CAREC mamlakatlari o‘rtasida elektron almashinuv va muvofiqlik sertifikatlarini o‘zaro tan olish bo‘yicha pilot modelga doir anglashuv memorandumi imzolandi.
Konferensiyada ishtirok etgan Investitsiyalar, savdo va sanoat vaziri Laziz Kudratov CAREC Savdoni va investitsiyalarni qo‘llab-quvvatlash to‘g‘risidagi bitim (CARTIF) bo‘yicha muzokaralarni boshlash tashabbusini qo‘llab-quvvatladi.
Sessiyalar doirasida vazir O‘zbekistonning texnologiyalar va raqamli infratuzilmani rivojlantirish, mintaqaviy bog‘liqlikni kuchaytirish, transport-logistika zanjirlarini modernizatsiya qilish hamda iqlim xavflariga chidamlilikni oshirishga qaratilgan takliflarini taqdim etdi. Shuningdek, inson kapitali, innovatsiyalar va raqamli transformatsiya bo‘yicha ustuvor yo‘nalishlar alohida ta’kidlandi.
Konferensiya doirasida CAREC innovatsiyalar va venchur investitsiyalari katalizatori fondini tashkil etish haqidagi Memorandum ham imzolandi.
Ma’lumot uchun:
CAREC (Central Asia Regional Economic Cooperation) — Markaziy Osiyo mintaqaviy iqtisodiy hamkorlik dasturi.
CARTIF (CAREC Agreement on Trade and Investment Facilitation) — CAREC doirasida savdo va investitsiyalarni yengillashtirishga qaratilgan bitim.
CAREC (Central Asia Regional Economic Cooperation) — Markaziy Osiyo mintaqaviy iqtisodiy hamkorlik dasturi.
CARTIF (CAREC Agreement on Trade and Investment Facilitation) — CAREC doirasida savdo va investitsiyalarni yengillashtirishga qaratilgan bitim.